Ka pynyoorong kiwa khayi pateiñ ka Ri-Loom Jaintia

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Jowai : U ma D.M. Wallang Addnl. D.C. West Jaintia Hills ynne ka 29 tarik da wan wai u ya ka 31st District Level Industrial Exhibition ha Madiah Kmai Blai Syntu Ksiar, Jowai ka wa pynman da ka District Commerce and Industries Center (DCIC), West Jaintia Hills.

Da em 26 tylli ki dukan (Stall) ki wa wan pynyoorong kamjooh u dai ya ki mar ha kani ka sngi kamjooh leh man ki wa yoh yarap na ka DCIC wapher ka Ri-loom Jaintia wa Khasi.

Da kynthup ya ki dukan wa dai phniang baam wa chna ha Ialong, Ki umngap, ki mombati, ki wait ki tari, ki tiar pynriam yung, ki khnam ki ryntieh wa kiwi kiwi ki mar wa pynmih da ki Self Help Group wapher wapher.

Ha chwa u wai ya kani ka pynyoorong da em i yalang wa tbian wa pyllai da u ma P. Toi GM, DCIC, West Jaintia Hills, heiwa da yohlad ka wi ka kong Roibha Sayoo yong ka Iabhalang SHG, Raliang ka wa chna ya ki mar dieñ mar siej (handicraft) u klam yei chem yong ka ha ini i khih. Da ong ko lada nujor yei por, i bor wa i sap wa pyllut u pynmih ya kini ki mar ym yahap de wa i dor wa ye u dai. Tangwa iwa emkaam dooh toh ym hoi u dooh mynsien kamjooh ym hoi u pynsepai yei por.

U ma J. Sumer President ka Kiang Nangbah Iasiat Khnam Memorial Society, Jowai u wa man kam u symbood knongsan da pynchlur u ya waroh ki wa chna mar wa em ha kani ka sngi u pynim biang ki ya ki boonjait kiwa jooh pynemkaam ha ki por wa rim ki wa da jan wiar jait kam u khoh bah bru, trop heh wa khian, kyrwiang kchu, ryniteh siat moo, ki jait chylliah wa pher wa pher kam iwi wa ye ki u pynneh pynsah yei warim. Da pyntip u ma Sumer leh wa daw chna ya ka wi ka Museum yow booh ya ki tiar wa u Woh Kiang Nangbah jooh pynemkaam u kamjooh leh kiwa pynemkaam ki bru hei por yong rim.

U ma D.M. Wallang hei klam yong oo da ong u wa ki bru wa yieñ hei yong ki hi ki kjat man sakhiat ki ki tre yei jingim ki neibhah ym em wa ye u ong ya ki u leh kamtu kamtai. Neini i daw toh u sniaw sarong ki yei wa da ye ki u leh ha i jingim ki. Kamjooh leh da pynclur u ya ki u pynthymme yei rukom chna ya ki mar hadooh wa ye u dai chadooh pallat ri.

Da yoh leh i pynwyrngai ya ki paidbah da ki nongrwai Pnar wa boon ka chnong Jowai. Kani ka pynyoorong man ko leh chibynta kam wow kynmoo warom yei lyngkhooh snem yap Woh Kiang Nangbah.