15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

“Ka rai yong phi toh ka rai neibynta ka jaitbru”: Poipynhun Majaw

0 Comments
Advertisement ad1
Advertisement ad1

Jowai: “I kylla yong ka saiñ hima sima hapoh ka jylla, da pynkulmar yumut ko ya ki paidbah wa boon walang wa yei yi u phah ki cha ka yung dorbar chna aiñ ka jylla,” da ong u President ka JYF u Poipynhun Majaw ha ka khubor kawa dap hah u ynne ka sngi.

Da ong u wa da toh i por wow bichaar bha ya kiwa mihkhmat hawa jied neibynta ka mynried ka ri wa ka jaitbru ha kam kini ki por wa ki party pynksan ki ya jar jiar ki mat krehkaam yong ki neibynta ka jylla wa ka ri hi waroh kawi.

Neiliang yong oo samen da kyntu u ya ki paidbah ka jylla chwa wow jied ya kiwa mihkhmat ha kani ka Election 2018 deiwa ong kamni:

“Uwi pa uwi uwa chong chnong ka jylla kiwa da 18 snem chajrong toh i dawbah yong kani ka Election MLA wow e ya ka rai kawa biang neibynta ka mynried ka jaitbru. Lada bakla won wow jied ya kiwa mihkhmat cha ka yung dorbar chna aiñ ka jylla kawa man ka lyngkor kawa khroo neibynta i roi i paar wei lada ym bichaar bha i, daw pynyoo wa i hi wa leh neibynta ka jaitbru wa khian paaid yong i.

Da ong chooh chooh u wa “Kam uwa chong chnong ka jylla ym man ko iwa suk wow suki hi-eh kiaw næ wow paitke khlem da kyntu lang ya ki para ri wa ymtoh u chah pynbiej næ chah pynthame ha ki bor ka poisa neibynta ka chi vote yong i. Ym ye u len wa ka poisa kreh ko heipor Election neibynta wow pynjop ya uwon uwon uwa rhah bor du wow yoh u chong hapoh ka kari wa em light soo, tangwa emkaam wow kynmoo wa ka poisa ym ye ko wow chna aiñ næ chna aiñ neibynta ka jaitbru yong i. Lada uwa mihkhmat uwa jied i ym em u i stat wei ym man u uwa chemphang wow yasaaid wei wow yada ya i na i man kyrpang, daw man i du i silet hadien”.

Heijooh i por da ong u wa i jied ya kiwa mihkhmat toh i hok yong kiwa chong chnong waroh wei waroh emkaam wow man kiwa chlur wow jied ya uwon uwon uwa yoobiang uwa em i man wa i bor pyrkhat neibynta ka mynried ka jaitbru kawa tyrchaaiñ.

Da pynkut u deiwa ong wa iwa kongsan tam heini toh ka rai yong phi kawa man ka rai neibynta ka jaitbru, neibhah kiwa mihkhmat waroh ki wow jied ki paidbah emkaam wow man ki kiwa em i kitkhlieh wow ekti lut ya ki kaam waroh kam uwa chna aiñ.

Share this:
Previous

Ujor PIL ki ar ngut ki khynroo wow pyrchah yei kyrriah ya ka C&RD Block na Wapung cha Lumshnong

Next

Tikna u Sniawbhalang Dhar wow jop biang ha kani ka kynti