U Montri Rangbah ka jylla, u Conrad K Sangma da ong u wa ka sorkar mar ya dep ko wow puræ bniah ya ka bui (Report) yong ka Expert Committee hajrong ka Reservation Policy daw pynlait paidbah noh ka.
Hawa jubab hajrong i maham ka VPP wow yakhih paidbah lada ka sorkar ym pynlait paidbah ko ya kani ka Report, u Conrad da ong u wa ymtoh iwa suk wow puræ ya kani neibhah wa ka Report toh kawa khia hadoo 200 Kg wei kawa em kamwa 4-5 hajar sla wei hap u puræ bniah din-pa-din neibhah lada bakla wot u ‘Coma’ leh daw pynkylla yeiwa iyi mut ko.
Da ong u wa u Chief Secretary wa kiwi ki sahep sorkar hap ki wow puræ bniah wei ymtoh iwa suk deiwa pynrap wa hadien wa dadep puræ bniah daw wanrah hapoh ka Cabinet wei hadien wa da pdiang ya ka da ka Cabinet daw pynlait leh neibynta ki paidbah yow puræ ka.
U Conrad da ong u wa kani toh ka mat kawa khia wei kawa emkaam wa ki paidbah u tip ki wei ym ye wow leh jhan wei na ini i daw da chimpor.
Kam wow pynkynmoo wa ka Expert Committee da e kti ko ya kani ka Report cha ka sorkar ha u June uni u snem.
Discussion about this post