Jowai : Ha ka kyrdan 3rd Division ynne ka sngi da yaleh ha pyrdi ka Khliehmynkrem SC pyrchah ya ka Pamanik SC.
Ka Khliehmynkrem da jop ko da 1-0 heiwa ya ka kool da thap da u Firstborn Pakem ha ka minit wa 3.
Da ini i jop, ka Khliehmynkrem da psiah Quarter Final ko.
Ha ka 1st Division won ka Shangpung Moolibang SC da pynrem ko ya ka Luti Tuber Ialong da 3-2.
Ha ka kylla step ka Moolibang da thap nyngkong ko ha ka minit wa 7 lyngba u Bikash Sayoo. Ka Luti Tuber won da su kylliang ko ha ka minit wa 11 lyngba u Mihsalan Lyngdoh wa na u Daphi e Burom Dkhar ha ka minit wa 19 . Kamtæ ka kylla step da kut ko 2-1 cha ka Luti Tuber.
Ha kylla miet ka Moolibang da thap ko sa artylli ko kool ha ka minit wa 56 na u Bikash Sayoo wa na u George Ryngkhlem ha ka minit wa 61 yow pynjop ya ka Moolibang 3-2
Discussion about this post