Jowai : Ka Interclub Basketball Tournament wa pynman da ka WJDSA ynne ka sngi da pynman ya ka yalehke Final ha pyrdi ka Ladthadlaboh SC pyrchah ya ka Newhill SC.
Ka yalehke hawa sdang man ko kawa yathaiñ bha heiwa ha ka 1st Quarter ka Ladthadlaboh da taam ko 11-10 point. Ka Quarter wa ar won da kut ko mar 21 point, tangwa nadooh ka 3rd Quarter ka Ladthadlaboh da sdang ko u pyntaam ya ki point heiwa da kut ka 3rd Quarter da 35-26. Ini da ptein i hadooh wa kut ka 4th Quarter heiwa ka Ladthadlaboh da jop ko da 50-37 point.
Ha kani ka sngi leh da saam ya i naam ‘Most Promising Player’ cha u Richard Shylla yong ka Salini SC wei yei naam ‘Player of the tournament’ won da rah u Pleasantly Synnah yong ka Ladthadlaboh.
Ka Ladthadlaboh leh da yoh ko ya ka song poisa T. 3000 katwa ka Newhill won da yoh ko T. 2000.
Ha chwa wow sdang ka yalehke Final da pynman leh ya ka Exhibition Match yong ki kynthai ha pyrdi ka Ladthadlaboh SC wa ka Salini SC heiwa ka Ladthadlaboh da jop ko da 9-2 point.
Discussion about this post