15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ka result Final ka 2nd Division ha pyrdi ka Mynthong wa ka Lumiawmuchai Shangpung

0 Comments
Advertisement ad1

Jowai : Ya yakhun bol Final ka 2nd Division kawa tip leh kam ka 1st Debo Shullai Memorial Trophy ynne ka sngi da pynman ha pyrdi ka Mynthong wa ka Lumiawmuchai Shangpung ha Kiang Nangbah Stadium, Ladthadlaboh, Jowai.

Ha ka kylla step ka Mynthong da yoh laad ko boonsien wow thap kool tangwa ym ye ko pynkylla ya ki kabu ksiar wa yoh ko cha ki kool. Ka Lumiawmuchai ha ka minit wa 10 da thap ko ya ka kool wa nyngkong yong ka lyngba u Niponghi Sumer uwa thap biang leh sa chi kool ha ka minit wa 40. Kamtea ka kylla step da kut ko 2-0.

1stdebo1

Ha ka kylla miet won ka Lumiawmuchai da pynyoo biang ko ya i bor yongka deiwa thap biang ko sa ar tylli ki kool ha ka minit wa 44 lyngba u Pynhoimi Chullet wa ha ka minit wa 67 lyngba u Sanki Wa O Law . Kamtæ ka Lumiawmuchai Shangpung da yoh ko u rah yei naam Champion da 4-0.

Ha kani ka sngi da saam yei naam Best Goal Keeper wa yoh da u Soophi Wa O Law, Top Scorer da yoh da u Raplangki Chullet katwa yei naam Man of the Match won da rah u Niponghi Sumer waroh le na ka dhab Lumiawmuchai.

Yei naam Player of the Tournament won da yoh u Deepak Chettri yong ka Mynthong.

1stdebo2

1stdebo3

1stdebo6

1stdebo5

1stdebo7

1stdebo4

Share this:
Previous

Kem ki pulit ya uwa suba tynyap ya ka manbei

Next

Da pyllait ya ki E-admit Card neibynta kiwa thap kreh LDA-cum-Typist