Jowai : Hapyrdi u slap, ka lyær wa u lyoh wa joor, ka West Jaiñtia Hills District Sport Association ynne da pynyaleh ko ya ka final hapyrdi ka Chutwakhu SC wa ka Dulong SC ya ki khynnah wa em i rta hapoh 14 snem.
Ha ka kylla step waroh ar tylli ki dhab da yaleh dohyap ki u pachat ki ya ka ball cha wah cha neiñ tangwa waroh ar dhab yatoh bor bha ki hadooh wa kut ka kylla step ym em wa yoh u thap kol.
Ha ka kylla miet ka yalehke sdang ko jai næ. Ha ka minit wa 51 ka Dulong da yoh free kick ko kawa da chut da u Wansa-oo Laloo kawa her bait ha ka jar kool.
Hadien wa yoh u thap ya kani ka goal wa nyngkong da yoh lyær biang ki wa yalehke ka Dulong heiwa pyn haka 53 minit da thap biang sa kawi ka goal da u Kyrkhu Chyrmang. Da kani ka goal ka Dulong da jop ko ya ka Chutwakhu da 2-0.
Ha kani ka sngi yei naam Man of the Match da yoh u Tremiki Lamurong. Da saam leh ya ki khusnaam Top Scorer cha u Wanda-oo Laloo. Yei naam Best Goalkeeper da yoh u Preachwell Pala yong ka Khliehiongriang SC.
Kam wow pynkynmoo ha uni u snem ka Dulong da rah naam champion ko la le sien. Ha wa sdang u snem da rah ko ya ka Republic Cup ha ka kyrdan U-12, da rah biang ko ya ka U-12 kawa da pynman hadien ka Republic Cup wei wa kani ka U-14 wa pynkut ynne ka sngi.
Discussion about this post