Jowai : Ha ka yalehke wa da pynman ha ka 3rd Division ynne ka sngi ha pyrdi ka ka Mookyndur wa ka Pammanik, ka Mokyndur da jop suk ko 4-0 ya ka Pammanik heiwa u Jovison Syngkon da thap u ar kool ha ka minit wa 11 wa ka 47 min, u Jomsing Pariat da thap u ha ka minit wa 38 katwa u Jamris Talang da thap u ha ka minit wa 60.
Ha ka kyrdan 1st Division won da yaleh ha pyrdi ka Tpep-Pale wa ka Panaliar heiwa ha ka kylla step da thap ka Tpep-Pale 2 kool lyngba u Comfort Challam ha ka minit wa 23 wa u Dasajeki Rymbai ha ka minit wa 36.
Ha ka kylla meit ka Panaliar da ye ko u su artylli ki kool ha ka minit wa 66 lyngba u Edison Shylla ha ka minit wa 71 lyngba u Belonia Lywait.
Ya ka kool wa pynjop ya ka Tpep-Pale da thap da u Reagan Rymbai ha ka minit wa 80 yow jop ka Tpep-Pale 3-2
Discussion about this post