Ka result ka 2nd wa ka Super Division ynne ka 5 tarik

Jowai : Ka yalehke 2nd Division ka wa sdang ynne ka sngi da pynman ha pyrdi ka Lumiawmuchai Shangpung wa ka West Madan Mustem heipor 12:30 pyrdi sngi.

Ha ka kylla step ka Mustem da yoh ko u thap kool nyngkong ha ka minit wa 13 lyngba u Kyntulangki Bang. Ka Lumiawmuchai won da su won ko ar tylli ki kool ha ka minit wa 21 lyngba u Bantei Iakai wa ha ka minit wa 27 lyngba u Raplangki Chullet.

Ka kylla miet won da kut ko khlem em wa yoh u thap kool, kamtæ ka Lumiawmuchai da jop ko da 2-1.

Ha ka yalehke wa bood yong ka Super Division da yaleh ha pyrdi ka Sabah Muswang wa ka Nangbah Mulang heiwa ka Nangbah da jop ko da 3-1.

Related posts

Thung ka MFA da u Stanley Rozario kam u Head Coach yow pynkhreh ya ka National Games

September 8, 2026

Yoh Takma Rupa ka khyllood na India wa rah yei khia wa le chah ya ka

September 8, 2026

Ka kylla step kut ko 2-1 heiwa da thap kool nyngkong da ka Nangbah ha ka minit wa 13 lyngba u Pyrkhatki Dkhar pynbood won sa u Sooki Lamare ha ka minit wa 22. Ha chwa u kut ka kylla step ka Sabah da yoh u su chi kool lyngba u Damechwa ha ka minit wa 42.

Ha ka kylla miet won ha chwa u kut ka yaleh ke ka Nangbah da thap biang ko sa chi kool lyngba u String Paul Makri ha ka minit wa 90+3.