Ka result ka Independence Cup ynne ka 29 tarik

Jowai: Ka Independence Day Cup U-16 2017 ynne ka sngi da pynman ya 6 tylli ki yalehke kiwa sdang nadooh 8:30 i step.

Ha ka yalehke wa nyngkong ka Wahiajer da pynrem ko ya ka Mulang Ialong da 2-0. Ya ki kool da thap da u Trepyniohlad Lamare ha ka minit wa 37 wa u Reformer Pale ha ka minit wa 52.

Ka yalehke wa ar ha pyrdi ka 7 Wasa pyrchah ya ka Mookyrdup da kut ko mar chi kool. U Hamedy Khonglah da thap u ya ka kool ka Mookyrdup ha ka minit wa 23. Ya ka 7 Wasa da thap kool u Mandimiat Khonglah ha ka minit wa 30.

Ha ka yalehke wa le won ka Khliehmyntang Ialong da pynrem ko ya ka Lumkyrwiang da 3-0. Ya ki kool da thap da u Batskhem Dhar ha ka minit wa 25, u Dauruhipaia Pale ha ka minit wa 28 wa u Dashwaki Lhuid  ha ka minit wa 36.

Ka yalehke wa soo won da kut ko nod la nod ha pyrdi ka Ladthadlaboh wa ka Dulong.

Related posts

Pynskem ka Lajong ya ka Contract ki 8 ngut kiwa yalehke | Ar ngut kiwa da yut cha kiwi ki ISL Team

July 6, 2026

Pyndam ka FIFA ya ka Red Card uwa yaleh ka USA | Daw yoh u yalehke Quarter Final

July 5, 2026

Hapyrdi ka Sabah wa ka Newhill ka yalehke da kut ko mar chi kool. Ya ka Sabah da thap kool u Dayoomiki Shylla ha ka minit wa 7 min katwa ya ka Newhill da thap u Manjan Talang ha ka minit wa 32.

Ha ka yalehke wa khaddooh hapyrdi ka Thadbamon wa ka Mukhla Raij da kut ko 0-0.