Ka Result ka Subruto Cup ynne ka sngi ha Jowai

Jowai : Ka sngi wa ar yong ka Subruto Cup Inter School Tournament ha Jowai da pynyaleh ya ka kyrdan U-17 heiwa da em 5 tylli ki yalehke.

Ha ka yalehke wa nyngkong ka Kymprup Secondary School da yachem ko wa ka Marian Hill Higher Secondary School. Ha kani ka yalehke ka Kymprup da jop ko da 3-0 heiwa ya ki kool da thap da u Teimi Shaphrang ha ka minit wa 5 wa ka 58 katwa u Hababiang Syngkon da thap u ha ka minit wa 29.

Ha ka yalehke wa ar won ka Syiem Jingsuk Secondary School won da yaleh pyrchah ko ya ka Lumpyrtuh Secondary School. Ka Syiem Jingsuk Lumpyrtuh da jop ko ya kani ka yalehke da 3-1. Ya ki kool ka Syeim Jingsuk da thap u Samuel Lamat ha ka minit wa 14, u Fullmoon Tariang ha ka minit wa 19 wa u Kindness Mukhim ha ka minit wa 28. Neiliang ka Lumpyrtuh da thap u Budmiki Chyrmang ha ka minit wa 33.

Ha ka yalehke wa le won ka Church of God Secondary School da yaleh ko wa ka Jaiñtia Secondary School. Ha kani ka yalehke da rai da ka chut Penalty heiwa ka Jaiñtia Secondary da jop ko 3-2.

Related posts

Yoh takma ki ar ngut kiwa na East Jaiñtia ha ka lympung yakhun Karate wa pynman ha New Delhi

November 25, 2024

Super Division EJHDFA: Jop ka Dhana ya ka R. Iawpynsing, khlem em wa jop hapyrdi ka Khliehriat West wa ka Sutnga

November 25, 2024

Ha ka yalehke wa soo won ka H.K. Singh Memorial Secondary School da yachem ko wa ka Mynso Secondary School. Ka H.K. Singh da pynrem ko ya ka Mynso da 4-2. U Kyrkhu Ryngkhlem da thap u ya ki artlyli ki kool na ki soo tylli ha ka minit wa 35 wa 51, Eladmi Rymbai ha ka minit wa 15 wa u Royalborn Lyngdoh ha ka Minit wa 46. Neiliang ka Mynso da thap u Jefar Dkhar ha ka minit wa 59 wa u Lastborn Hua ha ka minit wa 60.

Ha ka yalehke wa san ha pyrdi ka Mang Hai Ryum Secondary School wa ka Khimusniang Presbyterian Secondary School, u Cladeo Nongpluh da pynjop u ya ka Mang Hai Ryum da ki le tylli ki kool wa thap u ha ka minit wa 18, 21,31 katwa ka Khimusniang ym ye ko u su ka ya kawi leh ka kool.