15 49.0138 8.38624 1 0 4000 1 https://wyrta.com 300 0

Advertisement ad1

Advertisement ad1

Ka result yalehke Tiger Five wa ynne ka sngi
Mynstep u tip ya kiwa psiah chaka Second Round

0 Comments
Advertisement ad1

Jowai : Ka lympung yakynjat bol yong ka Tiger Five ha Chilliangraij ynne ha pyrdi ka Elsa SC pyrchah ya ka Mynthong SC man ko kawa yoosuk u pait neibhah waroh artylli ki dhab man ki kiwa yaryngkat bor bha. Kamtæ ha pyrdi ka yakhun wa yoosuk kawa neh kattu katni por yong ka kylla step ym em wa ye u pynkhih ya ka jaar kat hadooh wow poi ka minit wa 17 heiwa ka Mynthong da yoh chwa ko u thap nyngkong ya ka kool yong ka lyngba ka penalty kawa da chut da u Me U Ru Suchen, Jersy No 8.

t5.13.161

Ka Elsa SC kawa man leh ka dhab wa jooh poi cha ka Final ha ki snem wada lai, hei khyrngiat nei chah thap kool da sdang ki u lehke bha hadooh wa poi ha ka minit wa 27 heiwa da yoh ki u su ya ka chikol lyngba u Miat Nongneng, Jersy No. 4. Du wa dep u e centre ka Elsa SC da yoh biang ko wow ban ya ka kool wa ar ha ka minute wa 28 wa da thap da u Bro Jersy No. 00. Kamtæ ka yalehke yong ka kylla step da kut ko da 2-1 kool.

t5.13.163

Hawa sdang ya ka yalehke yong ka kylla miet waroh arliang kiwa yalehke da yaleh chitom ki heiwa ka Mynthong SC yow yoh ko u su ya ka kool, katwa neiliang ka Elsa SC leh da yaleh ko wow pyntam chooh ya ki kool. Ka yalehke man ko kawa neh slem khlem em wa yohlad u pynkhih yaka jaar.

Ha ka minit kawa 55 lyngba i pliah wei chalak i yalehke u Mayalang Lanong da yohlad u wow thap ya ka kool wa le yong ka Elsa SC; kamtæ ka yalehke da neh ko hadooh wa kut da ki 3 tylli ki kool yong ka Elsa katwa ka Mynthong neh du chi kool. Ka Elsa da yoh ko u psiah cha ka Second Round hadien wa jop ko ynne.

t5.13.162

Ka yalehke yong ka First Round u pyndep mynstep ka 14.5.2016. Ka yakhun wa nyngkong u sdang ko heipor 1:00 i sngi ha pyrdi ka All Star SC pyrchah ya ka Risa 4 Miles SC.

Ka wa ar toh heipor 2:30 i sngi heiwa ka Chiruplang SC u yaleh pyrchah ko ya ka K.C. Combine SC.

Katwa ka yaleh wa le heipor 3:30 janmiet u yachem ka Young United SC pyrchah ya ka Mynthong SC.

Ki dhab kiwow yachem ha ka Second Round u pynkhle mynstep hadien wa da kut ka yalehke wa khaddooh.

Kamtæ neiliang u Secretary Sports & Youth Affairs Chilliangraij  kyrpad u ya ki manager kiwa da jop ha ka First Round yow emlang ki heipor wa pynkhle mynstep ka sngi ha madan yalehke yong ka Chilliangraij.

I por wow pynkhle toh 3:00 janmiet.

Advertisement ad1

0 Comments

Leave a Reply