Shillong : Kam chibynta wow wanrah ya ki kaam sñiawbha wa ki kaam pynwyrngia chirup kamwa leh ha kiwi ki ri ka pyrthai kam ha Canada, US, Australia, New Zealand, ki ri hapoh Asia wa kiwi kiwi, ha Shillong da em kattu katni ngut ki bru samen kiwa tia chaphrang wow seiñ ya ka “The Shillong Beer Festival” ha u snem 2014.
Khlieh snem kattu ha ka chi sngi da pynman ya kani ka lehkmen “Beer Festival” hajrong ka thong wow wanrah ya ki beer na kylleiñ ka ri kamjooh leh na baar ri yow elaad ya ki paidbah u maad ki ya kini ki mar.
Ha uni u snem ya kani ka sngi lehkmen u pynman ha ka 1 Naichiphaw (October) ha Umiam Lake Resort nadooh 1:30 Nohchariñ sngi hadooh 10:00 waje i miet heiwow yoh u sakhi ya ki dhab tem na kylleiñ wei ya ki rukom lehke waphær waphær.
Daw em leh ki Company wa pawnaam kiwa pynmih beer na ka ri India kamjooh leh nabaar wei daw em leh kiwa pynkhreh baam kiwa pyn na Shillong kamjooh leh na kiwi ki bynta ka jylla.
Ha kani ka Festival daw em ki wow pynwyrngia ya ki paidbah kam ki dhab u Arjun Sen, 4th element, Reverse Tragedy (kiwa jop ya ka Hornbill Festival 2015), Dew Drops, Riddem Funktion Collective na Mumbai, Dj Grath Adam (Mumbai) wa kiwi kiwi.
Kani ka lehkmen da man ko kawa dang heh kat dang mih ki snem neibhah wa ha ka sien wa nyngkon da poi hadooh 800 ngut ki bru katwa ha kawa bood won ha u snem 2015 da poi hadooh 3000 ngut, ha uni u snem yooluti wa daw palat ki bar ya ki snem wa da dep.
Ka bai ticket wow psiah cha kani ka lehkmen toh 500 samen wei daw e mynkna leh ya ki simcard JIO wei daw pynkhle leh ya ka Bike ha kani ka sngi na ki ticket wa thied heipor wa psiah cha kani ka lehkmen.
(Sponsored Content)
Discussion about this post