Jowai: Ka Meghalaya Veterinary Services Association, Jaiñtia Hills District Unit, Jowai ynnin ka 29 tarik da leh warom ko ya ka sngi “World Veterinary Day 2017” hajrong ka phang ‘Antimicrobial resistance-From awareness to action’ ha chnong Sohmynting Village.
U Dr. C. War, Registrar Meghalaya Veterinary Council da man u kam u kongsan heiwa ka Dr. B. Rapthap, Deputy Director, IDP da man ko kam ka symbood kongsan.
Ya ka yalang da pyllai da ka Dr. S. M. Kharbudon, DVO Jowai wei hei klam pdiang sñiawbha yong ka da batai ko leh ya ki mat wa kongsan yong kani ka sngi kamjooh ya boon jait ki rukom kreh ki Veterinarian ha kylleiñ ka pyrthai kiwa yarap yei chait i khiah ki mrad wa ri ki bru hadooh ki mrad khloo iwa yarap kylla won yei chait i khiah ki paidbah.
U Kongsan da klam u chaphang kiwa boon ki khniang wa da sdang u ye u leh pyrchah ya ki dawai dachin khamtam kiwa rah kjut wa ye u poor na ki mrad cha ki mrad hadooh cha ki bru.
Ha kani ka sngi da pynman leh ya ka Seminar hajrong ‘Antimicrobial Resistance’ namo i bor ki khniang wow yaleh pyrchah ya ki dawai, ‘Artificial Insemination’ namo i pynpunkhon ya ki sniang kamjooh ka ‘Animal Health Camp’ namo ka sumar ya ki mrad.
Kiwi de kiwa klam ha kani ka sngi toh u Dr. W. Rynkhlem, DVO khliehriat, Dr.D Tariang, Dr.T Kharsyntiew wa u Dr. D Lyngdoh, Secretary Meghalaya Veterinary Services Association-Jaintia Hills District Unit uwa da e yei klam ekhublei.
Discussion about this post