theme-sticky-logo-alt
theme-logo-alt

Yapbiej u Mukul yei miat ka Kchaaid Krangshuri

Jowai: “Nga heipor wa lai hiar ko cha Krangshuri ym em de kwah O u liwan ma dei em thaw sah nga da sah miet O pyn heini.” ong u Dr. Mukul Sangma hadien wan lai pait u ya kawi na ki thaw lai uiñke sawari wa pawnaam ha West Jaiñtia Hills ka Kchaaid Krangshuri ynnin ka sngi.

Da ong u wa da sñiaw u yei naam kani ka kchaaid wei da kwah u wow wan yo dei khmat yow sñiawthooh hadooh katwon u ye u pynmiat chooh ya kani ka thaw.

“Lada wan kiwa uiñke sawari dei thmu wow wan paitke donhi, tangwa lada em ki thaw sah daw neh ki rap boon sngi wei hei yatoh wa ini ka sorkar ka yarap poisa ko 30% ya kiwa kwah chna thaw sah kam ki Homestay, Eco Resort wa kiwi kiwi.” da ong u Mukul.

Da ong u leh wa ka sorkar da em ko ki scheme wa kyrpang khamtam ya ki thaw wa pait da ka chnong (kam ka Krangshuri) wei ka ye ko wow jied u chna ya ki thaw sah wei hadien wa yoo wa ki tre chnong da tip ki u pyllai ya kini ki thaw dei bor yong ki daw e kti cha ki.

Chooh chooh da ong u yow pynku ya ki kaam uiñke sawari emkaam chwa u em i suk i saiñ heiwa kiwa wan uiñke sñiaw chngaiñ ki u wan wei ki tre chnong kamjooh ki bru samen da pynyoo ki ya ki dak wa ki em sakhiat ki i kitkhlieh ya kani ka jait kaam kamtæ ka sorkar suk ko wow yarap ya ki.

Hei yatoh wa waroh kawi ka jylla ong u wa emkaam u biang ki sarok, ki rel, ki airport ki wow wanrah ya kiwa uiñke sawari cha ka jylla wei yooluti u wa hadien wa ye u pynbiang ya ki Entry wa Exit Point hei yatoh wa i mih i psiah tooh ki baar jylla, waroh i pyrchah ki seiñbhalang yei thmu ka sorkar wow riñ ya kiwa uiñke sawari daw man i iwa sakhiat.

Share this:
Previous

Kam ki pulit wa yada u Waheh Chnong ya kiwa dai kiad

Next

Ka sngi kyrpang ki Doctor sumaar mrad