Ka sngi Mulong ka Behdieñkhlam ka ka sngi wa yaman iwi don

Jowai : Ynne ka Mulong 11 tarik ki waheh wasian chirup wa ki khon ka Raij dang step da mih ki na Yung Langdoh wow lai pyndep ya ka Kñia Aitnar.

Kani ka Kñia da pyndep da pynlut pynsep da u Dolloi wei man ko ka kñia kawa hajrong ka hukum ka Niamtre wa ki phra dong næ ki Kmai Raij ympu hoi u lithooh ki ya ki dieñkhlam na khloo kat wym pu pyndep ya kani ka Kñia.

Hadien wa da pyndep ya kani ka kñia hei sngi waroh ki Kmai Raij u mih wow lai lithooh ki ya Dieñkhlam wei wow pynpoi ya ki Dieñkhlam ha Iawmusiang.

Ha ini i lai lithooh ya ki Dieñkhlam katwa dang yang yow pteiñ ya ka dieñkhlam wa i kyndit kiwa lai thooh dieñkhlam da ya baam ja song ki iwa da pynkhreh na jar jiar i yung yong ki wei da ya bhah uwi ya uwi khlem i sñiaw yaphær na uwa mahajon næ uwa dooh.

I pyntip wa emkaam ya ki khon ka Seiñkur Langi

May 11, 2025

Da ki ar tylli ki Drama pynkut ka Chilliangraij ya ka Bamphalar 2025

May 11, 2025

Ha ini i baam ja iwa jooh ong leh i baam ja sngi, uwa na kawi ka kur ye u wow baam na kawi ka kur næ ki lok ki wym tipmit u. Ini pynyoo ko yei man iwi don khlem em iwon iwon i yaphær næ i ya sang.

Manda dep baamja sngi da pteiñ ya ki Dieñkhlam yow rah ya ki cha Iawmusiang.

Ki Khonraij leh da lai thooh ki ya ka Khnong Blai wei da pynchong ya ka chipor ha madan Siat Thong (pyrchah ka DC office).

Manda poi lut ki Dieñkhlam ha Iawmusiang ki Khon Raij da pynpoi ki ya ka Khnong Blai na Madan Pohsawiar wei da booh ya ka ha Loom Sooiung (Hajan Marian Hills HSS).

Hadien ini ki Kmai Raij da liwan ki chirup na kawi ka luti cha ki dong ki chnong yong ki.