Ka sngi yachemlang ka kur Seiñkur Bahkhla Kur Rymbai

Jowai : Ka Seiñkur Bahkhla wa kynthup ya ka kur Rymbai, Ryngkhlem, Kyndait, Kyndiah, lato, Thma, Chyrnet, Rymbui, Najiar, Toi, Ksoo, Sana, Lyngdoh Rymbai, Pdein wa ka kur Bang da pynman ki ya ka yachemlang næ ka Social Get Together ha District Library, Mynthong, Jowai ynne ka 9 tarik.

Da pynman ya kani ka yachemlang da ka Seiñkur Bahkhla Kur Rymbai Bahkhla-Central Body, Jowai kam chibynta wow ya tipmit chi kur kamjooh wow yoh i sneiñ u kroo para chi kur.

U President ka Seiñkur Bhakhla u R.K. Ram Rymbai hei klam wai phang yong oo da ong u wa hadien wa da yoo u wa boon ki seiñkur da lai ki chaaid chaaid cha khmat hei yatoh wa ki kaam kur, ka  Seiñkur Bahkhla da chim ko ka rai yow wanrah ya waroh ki kur ki jait yow em ki hapoh ka wi ka satri yow man ki kiwa ya tylli wa kyrchaan uwi ya uwi kamjooh leh yow lait na i chong kha bakla pyn chi kur.

Related posts

Daw pynman ya ka General Meeting wa nyngkong ka Kur Sumer Pyllun ha Amlarem

November 23, 2024

Dei kreh yonglang pynkhreh ka Seiñ Raij Raliang ya ka Kopati Puja

November 17, 2024

Yei parom ka Seiñkur Bahkhla da khana da u M.B Rymbai uwa ong wa ka Beipun Bahkhla toh ka wa pynmih ya ki kur ki jait yong ka Bahkhla.

U ma R.S Lyngdoh ha kani ka yalang da klam u chaphang i rukom chong kha deiwa ong wa da em kiwa da ya kam boo kam kong para chi kur neidaw wa ym ya tipmit para chi kur. Kamtæ emkaam noh neini cha khmat wow ya tipmit noh ki wa kiwi ki kur ki jait yong ki.

Neiliang ki manbei da klam ka kong Violet Lyngdoh hajrong ka phang Akor Burom wei da ong ko wa ini waroh sdang na yung na sem wei ym ye u thied ya ki. Da ong ko leh lada mahajon katwa mahajon leh lada ym em ka akor ym yoh ya ka burom wei i leh khlem akor daw booddien ko ym du ya uwi u bru kamjooh leh ka ki kur ki jait.

Ha kani ka sngi da yoh leh ya i rwai na ki kur ki jait ka Bahkhla heiwa hei rwai yong ki da khana ki ya i parom ka Kur Bahkhla.

Kam wow pynchlur ya ki dkhot ka kur da saam leh ya ki khusnaam cha ki arngut kiwa da poi cha khmat ha ka puræ puthi. Da saam cha ka Dukini Kyndiah kawa da man kawa samen na ka jylla Meghalaya kawa da chah jied ha ka Civil Service Exam wa cha ka Dr. Wadameka Lyngdoh kawa pyndep ya ka PhD yong ka ha ka Microbiology.

Ya ki khusnaam da pdiang da kiwa ha yung ha sem yong ki.

Ka Seiñkur Bahkhla Kur Rymbai Bahkhla da seiñ ha ka 05.03.16.