U montri rangbah ka jylla, u Conrad K. Sangma ynne ka sngi da e klam u ha ka National Seminar hajrong ka phang “Representation of Women of North East India in Multi – Disciplinary Discourse” ha Don Bosco College, Tura.
Ha kani ka Seminar da chimbynta da ki khynnah wa kiwa sikai na kylleiñ ka ri hei emlang u montri i puræ puthi ka jylla y Rakkam A Sangma wa i kyntien maitphang na u Prof Sukalpa Bhattacharjee ka NEHU Shillong Campus.
U Conrad hawa e yei klam da ong u wa ka sorkar da thooh ko ki laad wow pynkupbor ya ki kynthai deiwa ban joor ya ki SHG ki seiñ manbei wa da yarap ka sorkar.
Da pyntip u leh wa ka Meghalaya toh kawi na ki jylla ha ka ri kawa kynjoh 95 percent ki kynthai ha ki thaw palatsor wa im lyngba ki Self Help Group heiwa 4 lak ngut ki manbei da myntoi ki lada nujor wa ki SHG ka jylla ha u snem 2018 iwa em du 35,000 tylli donhi.
Ha kani ka sngi u montri ka chnat puræ puthi u Rakkam A Sangma, da klam u hajrong ki kaam wa da leh neibynta ki kynthai deiwa kyntu ya ki wow tia chaphrang hanla chem ki ya iwon iwon i eh i khor.
