Ka sorkar jylla toh u thoh ko cha ka sorkar pyrdi wow tipmit noh ya ka ktien Khasi: KAS

Shillong: Ka Khasi Authors’ Society (KAS) da ong ko wa ka sorkar jylla ymtoh de wow yang ko hadooh poi snem tangwa toh pyn ha uni u snem wow dawa naka sorkar pyrdi wow pynpsiah noh ya ka ktien Khasi ha ka khyrnit wa phra (8^th Schedule) ka riti synchaar ka ri.

Yeini ka KAS da ong ko ynne ka sngi heiwa u President ka seiñ, u Dr. DRL Nonglait da klam u wa kiwa pathai khybor hadien ka yalang wow kynmoo warom yei dap 177 snem wa wan yooh kjat u Rev. Thomas Jones ha ri Khasi.

Da ong u wa ka KAS tyrwa ko wow yakrehlang wa ka sorkar hajrong ini i thmu da kawon kawon ka laad wot wow lai yachem ya u Montri Rangbahdooh ka ri, u Narendra Modi.

Ka yakhih wow pynpsiah ya ka ktien Khasi ha ka khyrnit wa phra ka riti synchaar ka ri toh kawa da slem da ki dhab waphær waphær hapoh i yahkhmat ka KAS tangwa hadooh katni ym pu em man kaam i neibhah ka sorkar jylla ym em phah ko ya i thoh cha ka sorkar pyrdi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha u snem 2005, ka sorkar jylla da pynpsiah ko ya i ktien Khasi wa Garo kam ki ktien pynrap nalor ka ktien pharæng wow thoh ha ki yungkrehkaam ha kani ka jylla.

Ha iwi i liang, hawa klam chaphang u Rev. Thomas Jone, u President ka KAS, da ong u wa da wan u cha ka ka ri-loom Khasi wow chakri ya ki bru ha ki bynta waphær waphær heipor wa synchaar ki pharæng wei da wanrah u ya ki dak thoh Khasi da ki dak Roman wei da chim wa u man u pa ki dak thoh Khasi hanlada ka sorkar ympu em pynbna ko yeini hadooh katni.

Da sdang u ya le tylli ki skur wa kynthup ha Sohra, Mawsmai wa ha Mawmluh wei da esikai u wow chna ya ki tiar dei kti, wow chet, ki kaam khayi pateiñ wa kiwi kiwi.

Ha kani ka sngi ka Khasi Authors’ Society (KAS) da kynmoo warom ko yei dap 177 snem wa wan yoohkjat u Rev. Thomas Jones ha ka ri Khasi heiwa da booh ya u syntu ha u mot u wa da chna ha Synod College Shillong.

Neiliang u Rev. Prof S S Majaw da ong u wa hanlada u Thomas Jones da im u ha kani ka pyrthai du 39 snem, tangwa da im u ha ki kaam, da pyntip u wa em soo tylli ki rai wa u Rev. Thomas Jones da raikut u wow pyndep heipor wa u wanpoi ha Sohra, wei kini toh wow chna skur ha kani ka thaiñ, wow chna dak Khasi thymme wei wow thoh noh da ki dak ha ka ktien Sohra ymtoh de hei ktien Shella wei wow thoh kot Khasi.