Shillong: U President warim ka District Congress Committee ka South West Khasi Hills, u Kitborlang Nongrem da ong u wa ym ngait u wa u MLA warim ka Ranikor Constituency u MM Danggo da booh u kiwon kiwon ki kyndon naka NPP chwa wow ieh noh u yei kaam MLA.
“Ym em paan u yow man kam u montri namo wow ksoh iwon iwon i kyrdan wa heh hapoh ka sorkar wei da ieh u yei kaam MLA yow yoh Civil Sub Division ki paidbah ka Ranikor Constituency,” da khana u Nongrem ya kiwa pathai khubor ynne ka sngi. Da ong u leh wa u Danggo da ieh u leh kam u dkhot ka Meghalaya Pradesh Congress Committee ynne ka sngi.
U Nongrem da ong u wa wa ki dkhot ka DCC da phah lang ki waroh ya u Danggo wow ieh noh u kam u MLA hadien wa u montri rangbah ka jylla u Conrad K Sangma ha Ranikor ha ka 13 tarik da pynbna u wow e ya ka Civil Sub Division.
“Da e por i ya u Danggo 7 sngi wow ieh noh ya i kaam MLA wei ynnin ka sngi da pyntip cha i wa da ieh noh u ya i kaam MLA,” da ong u Nongrem.
Da ong u leh wa u Dangoo da man hi u kam u dkhot ka NPP wei ha kini ki sngi wow wan da w tip ka yi ka kyrdan u ksoh u hapoh ka NPP wei daw yakhun leh ha ka Election chiteiñ samoi wei da sñiaw skem u wa u jop u Dangoo lada yaleh u ha kawon kawon ka Election lada ka MLA, MP namo MDC wei ym pu em rem u la 15 snem wei ki paidbah leh sñiawthooh ki yei rai wa chim u wei daw yoh u yei kyrchaan na ki.
Hei yatoh waka Congress won da ong u wa kamwa man kattæ ym em Congress de hapoh ka Block Congress Committee.
Da mynjur u leh wa i daw wa kwah u Danggo wow mih naka Congress toh neidaw i rukom kreh u Dr. Mukul Sangma wei ha u Naichiphaw (Oct) 2017 da mut u wow mih naka Congress wow psiah cha ka NPP tangwa kiwa kyrchaan yong oo won da pynbor ki wow yaleh Election u naka Congress.
Ya ka Ranikor Civil Sub Division daw wai ya ka haka 10-07-18.
Discussion about this post