U General Secretary ka Khasi Students’ Union, u Donald V Thabah da kynthah u deiwa eh ya ka sorkar jylla wa chim stiñ ko yei thmu yong ka seiñ u Jagadguru Shankaracharya wow wan yalap khang baam doh masi ha jylla Meghalaya.
Ki dkhot ka KSU deilang wa kiwi ki seiñbhalang da hiar ki cha Umroi Airport ynnin wa ynne ka sngi yow khanglaad yei thmu kani ka seiñ wow wan seh lama masi wei wow klam cha ki laad pathai khubor hapoh ka jylla.
U Donald da ong u wa ka sorkar kheiñstiñ wei da sdang ko wow khih hadien wa ynnin ka sngi da em ka yalang paidbah ki seiñbhalang ha Umroi Airport iwa pynyoo wa manda leh ko ya iwon iwon toh deiwa pynbor ki paidbah, tangwa ha Nagaland ki khynroo ym emkaam ki wow mih neibhah ka sorkar hi nadooh wa sdang da rai ko wym chah hiwot.
Heijooh i por uni uwa yahkhmat ka KSU da ong u wa ki dkhot ka seiñ daw hiar ki myntu ka sngi cha Byrnihat yow khanglaad lada thmu uni u bru wow wan da ka kari neibhah kattea em u ha Guwahati Airport.
Discussion about this post