U Chairman yong ka Meghalaya Joint Action Committee of Commercial Vehicle (MJACCV), u Wandonbok Jyrwa da ong u wa kani ka sorkar toh kawa kwah u pynyachruit ya kiwa yah kari wa ki paidbah.
Da ong uwa neiliang ka seiñ ka yieñ pyrchah bait ko ya ka sorkar, neibhah wa ka sorkar ka e laad ko wow pynku ya ka bai kari khlem sangeh wei ka yakhih leh ym sangeh neibhah wa boon chem chitom ki khamtam ki khynnah skur kiwa chaniah ha ki kari kamai.
Da ong wa i dor warim ym yahap de ko wa i dor phniang, wei da yaphær bak la bak wa kiwi ki ri wa dang thied phniang na ri India.
U Jyrwa da ong chooh chooh u wa ka sorkar ka tyrwa switmit switmit ko deiwa pynhiar dor du T.2, wei lada sñiaw im ki paidbah toh u su noh du T. 2 lada chong kari soo. Deiwa ong wa du T. 2 hapoh chi tayaw da ku biang.
Da ong u wa ka sorkar toh u pynduna hadooh 25% na ka dan yong ka Petrol wa Diesel, wei toh leh wow maap 50% ka dan wa toh u su da ki kari kamai nadooh wa sdang ka Lockdown, lym kamtæ ka seiñ u pteiñ bait ko wow yakhih.
