U Adelbert Nongrum uwa man u MLA ka North Shillong, da ong u wa boonsien ki MLA leh hok ki du ha yung dorbar chna aiñ katwa cha baar won du ki kaam pyrchah aiñ suda. U MLA da ong u ya ini ynne hawa klam haka yalang paidbah kiwa chong yaw yow pynsñiaw yei kyrchaan hajrong ka yakhih pyrchah ya ka dan yong i Petrol wa Diesel.
Da ong u ya ka sorkar wym toh u lehkhooid leh hok du ha Assembly, deiwa pynrap leh wa kiwi ki MLA ki pyrkhat ki ya ka kyrdan, katwa ka jaitbru nang hiar ko, ileh wa hap u yang hadooh wa ki paidbah u jynjar, deiwa ong leh wa kawi ka sorkar cha kawi ka sorkar toh kawa khlot wa kawa thlah.
U Nongrum da ong u wow man du kiwa mihkhmat ym em yumut, toh u man kiwa yasaaid, wei heijooh i por da dawa u wa ka sorkar toh u pynhiar smat ko ya i dan wei wow khut yaklam ya kiwa yahkhmat kiwa yah kari kamai wei toh u sñiawthooh yei eh.
