U Symbood Montri Rangbah ka jylla uwa pait leh ya ka chnat Urban Affairs Department, u Sniawbhalang Dhar da ong u wa ka jylla daw lai ko chaphrang hanla ka Harijan Panchayat Committee (HPC) ympu em u e ko i jubab katkam wa da por kawa man ha ka 10 tarik uni u bnai.
Da ong u wa boi ha ka tayaaw wow wan daw chong pyrkhat neibhah u Prestone Tynsong ym em u cheini wei daw booh ya ka tarik hadien wa poi u.
Da ong u wa HPC emkaam u pyntip ki wa neiyi i daw wa slem ki u jubab, wei ka sorkar dang yaleh ko u pynbait ya ini hapoh uni u bnai katkam ka hukum ka High Court.
Heijooh i por da ong u wa daw yaklam yeini ha ka High Level Committee (HLC) wa khlieh da u Prestone.
Katkam ka hukum u Chief Justice Sanjib Banerjee da ong ko wa ki arliang toh u pynbait ki ya ini i kaam ha uni u bnai khnang wow ye u kyrriah ya kini ki bru wa sah ha Them Metor hapoh ar-le bnai wei daw chong bichaar biang yeini ha ka 24 tarik uni u bnai da ka Meghalaya High Court.
