15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Ka sorkar u Modi toh kawa pyrchah ya ki paidbah : Congress
Ka Sorkar daw tip lut ko ya ki kaam poisa poilaiñ ki manyung : Lahkmen

0 Comments
Advertisement ad1
Advertisement ad1
Advertisement ad1
Advertisement ad1

Jowai : Ka seiñ hima sima ka Indian National Congress (INC) kam chibynta wow pyrchah yei leh ka sorkar u Modi wa pyndam ya ka poisa T. 500 wa T. 1000 wa rim da pynman ko ya ka Jan Vedna Convention ha Mynthong Community Hall, Jowai kawa pynman da ka East & West Jaiñtia District Congress Committee.

Ha kani ka yalang da em u EM ka JHADC, ki MDC, ki MLA wa ki dkhot ka Meghalaya Pradesh Congress Committee (MPCC).

Advertisement ad1
Advertisement ad1

Kiwa klam waroh ha kani ka sngi da beiñ ki ya ka Demonetization neibhah man ko pyrchah ya ki paidbah nadooh kiwa mahajon hadooh kiwa dooh.

U Thombor Shiwat, CEM JHADC da ong u wa i leh ka sorkar u Modi da pynsangeh ko ym du ya kiwa khayi kamjooh leh ya ki kaam sorkar. Neidaw wym ye u sai poisa, ki grant wa saam cha ki paidbah da sah ki wei lada ong u phah bait ya ka poisa cha ki account leh ym ye neidaw boon na ki toh ki wym em bank account.

U J. Lyngdoh u working president ka MPCC ong u wa thok u Modi neibhah ki kular election yong oo toh wow wanrah ya ka Black Money wa em cha baar tang yeini ym em ye u leh wei ki dkhot ka BJP chwa ka Demonetization da yohlaad ki u thap lut ya poisa yong ki khlem em wa kylli chaphang ka poisa yong ki.

U Sniawbha Dhar won ong u wa boon na ki bru cha nongkyndong ym pu em tang u yoo ki ka katæ ka poisa 500 wa dang thymme wei i pyrchang won ka sorkar wow leh da ka Cashless Economy leh i wym ye u man neibhah hei chem yong oo heipor wa su da ki Debit Card boon ki por ym hoi ki.

U Lahkmen Rymbui won da ong u wa ini i leh ka sorkar toh yow pyndooh yei hok yong ki kam ki bru khian paid neibhah deiwa pynemkaam ya ki PAN Card yow pynyabi ya ki bank account, ka sorkar daw tiplut ko ya waroh ki kaam poisa poilaiñ wei ki manyung wa man BPL lada hoi khih ki chibet chipor daw tip katwon em poisa ki ha account wei daw dooh lut ki ya ki myntoi wa yoh kam ki manyung BPL wei ye leh ki khon ki kti u dooh ya ki scholarship.

Da e nongmuna u wa oo heipor ka Demonetization da thap u T. 4 Lak ka poisa wa em ha oo wei hadien kattu katni sngi da poi ki message ha phone u wa phah lai pynche ya oo neiwon yoh u ya kani ka poisa wei ini waroh toh iwa pyrchah ya ka jaitbru yong i neibhah i ym haap su i ya ka Income Tax.

U R.C. Laloo, MLA hei klam yong oo da ong u wa i kaam ka sorkar toh wow chakri ya ki paidbah ym toh wow pynchitom ya ki paidbah wei heipor wa synchaar ka Congress ym jooh em leh ko kam ini wei ini i leh ka sorkar BJP toh i wym em yoh myntoi ki paidbah hadooh katni.

Da pynkynmoo u wa ka sorkar Congress da pynmih ko boon ki aiñ kam ka NREGA, Right to Food, Right to Education ki wow myntoi ya ki paidbah.

Kani ka Jan Vedna Convention toh kawa pynman ha kylleiñ ka ri da ka Congress kam ka dak pyrchah ya ki kaam pyrchah paidbah ka sorkar BJP.

Advertisement ad1
Advertisement ad1

0 Comments

Leave a Reply