Ka 2nd Division 2026 ka East Jaintia Hills District Football Association (EJHDFA) dapoi noh ko cha wakut ynne da ka yakhun Final hapyrdi ka SWO Moosianglamare Old SC wa ka Dkhiah West SCSO.
Ha kani ka yalehke, ka SWO Moosianglamare Old SC da jop ko da 2-1 ya ka Dkhiah West SCSO.
Ya ka Moosianglamare Old da thap kool da u Premio Muksor ha ka minit wa 25 wa u Rejency Lapasam ha ka minit wa 70 katwa ya ka Dkhiah West da thap da u Kyntulang Phawa ha ka minit wa 30.
Ka Moosianglamare Old kam ka Champion da yoh ko ya ka song poisa wa Rs. 50,000 deilang ka Trophy katwa ka Dkhiah West kam kawa rem da yoh ko Rs. 25,000 deilang ka Trophy.
Yei naam Top Scorer da yoh u Pyniar Pusein (4 kool), yei naam Best Goalkeeper da yoh u Kynti Muksor katwa yei naam Best Player da yoh u Meshwa Lapasam kiwa waroh na ka SWO Moosianglamare Old SC.
Ya kani ka Final da wan wow pynhaap pyrda da u Pynlumlang Ksoo kam u kongsan wa u Dimos Swer kam u symbood kongsan deiwa emlang kiwa kitkaam ka EJHDFA wa ki waheh ka District.
Discussion about this post