U Deputy Commissioner, East Jaiñtia Hills District da pyntip u wa da sdang ya ka Pre-Booking Tests ha ki Laboratory lada kwah ki bru u chongkset tbian por (Short Quarantine) kawa 7 sngi, ye ki wow Book neibynta ki Test.
Kini ki Test toh du neibynta kitu kiwa da psiah chapoh ka jylla wei ye ki wow leh ya ka Pre-Booking Test wow pyndep ya ka Quarantine (7 sngi). Kiwi won ki bru kiwa kwah u Test daw booh daw pynbait won haki por wow wan.
U DC da ong u leh ya kiwa thmu wow sah slem ye ki wow myntoi neini khnang wow ye ki wow sdang kreh lada ka Test man Negative ko.
Chooh chooh ka bai Test u man ko T. 3,200 chi Test wei ye u su ha ki Hospital/Laboratory wa leh Test. Ya kani ka poisa toh u lai ko cha ka Hospital Management Society Account ka wow pynemkaam won heiyatoh du wa ki kaam COVID-19.
Heijooh i por ki Hospital/Laboratory emkaam leh wow booh ya ki Data Entry Operator chirup wa ka Laptop wa ka Internet wow booh yutip yong ki bru kiwa da wan leh Test wei ye leh wow pynemkaam ya ki wow chim ya ka bai Test namo da ki Accountant namo ki bru wa da thung emkaam wow leh ki ya ka data Entry ha ka www.coronamegh.in.
