U Sanjoy Roy uwa da chah pynbaad wa slaitbor wei tynyap ya kawi ka Doctor ha RG Kar Medical College and Hospital, da chem wa ka thuk thuk wa pynemkaam u toh kawa da Register hei pyrtuid ka yung krehkaam u Commissioner of Police ka Kolkata.
Ini da pynphylla ko ya ki paidbah wa kammon u ye u man kamni heiwa kani ka khubor da poor bha ko kattæ ha ki rynsan Social Media.
Neiliang ka Kolkata Police da pynche ko wa waroh ki kari pulit toh kiwa da Register hapoh u Police Commissioner chwa wow e kti ki cha ki pulit.
Da pynche leh wa ya kani ka thuk-thuk wa pynemkaam u Sanjay Roy da dep kem ka wei da e kti leh cha ka CBI wei man ko leh kawa da Register hapoh i pyrtuid u Commissioner of Police, Kolkata wei ini toh i rukom wa jooh leh wei ymtoh wa em iwon iwon iwa leh lait hawa Register ya kani ka thuk-thuk.
U Sanjoy Roy toh uwa man kam u Civic Volunteer nadooh u snem 2019 hapoh ka Kolkata Police wei da pynemkaam u ya kani ka thuk-thuk yow lai cha ki Red Light District ka Kolkata chwa wow slaitbor wei tynyap ya ka Doctor wei da yah u ya kani ka thuk-thuk 15 Km deiwa muaid.
Ka CBI da suba ko leh wa deiwa yoh u yah da ka thuk-thuk ki pulit da pynman ya oo wow chlur u wow leh katwa ngait u.
U Roy toh uwa jooh man kam u Boxer wei da kreh u hapoh ka Kolkata Police Welfare Board wei da booh ya oo ha Police Outpost wa em ha RG Kar Medical College and Hospital.
Ki Civic Volunteer toh kiwa man kam kiwa kreh Contractual wa ki pulit yow yarap hei pynlai kari wa kiwi ki kaam wa khian hapoh ka jylla West Bengal deiwa su ya ki Rs. 310 chi sngi kawa da man kamwa Rs. 9,300 chi bnai wei kamwa man kattæ da em 7,200 ngut ki Civic Volunteer hapoh ka Kolkata Police wei hapoh ka jylla ki pulit da em ki kamwa 79,024 ngut katwa ki Civic Police Volunteer da em ki palat 1.24 lak ngut.
Discussion about this post