Ka Gauhati High Court da sñiawkhia ko yei wym kem wei pyndong ya ki 1,16,946 ngut ki baar ri na ki 36 District ka jylla Assam deiwa ong wa ka sorkar pyrdi wa ka sorkar jylla emkaam ki wow yada yei yatylli ka ri.
Ka Division Bench u Justice Kalyan Rai Surana wa u Justice Mridul Kumar Kalita da kyntait ki wow pynlait ya ka bru wa na baar ri kawa da phah kset da ka Foreigners Tribunal, Jorhat wei ya kawa dang yang wow chah pynuiñ na India.
Ka High Court ka kdaw ko ya ka yukheiñ wa e u Senior Superintendent of Police (Border), Assam heiwa em 1,16,946 ngut ki baar ri kiwa ym pu chah kem næ chah pynuiñ kat hadooh ka 30 tarik u June 2026.
Kawa ujor ya ka mukotduma wa chah rai wa man ko ka baar ri da ka Foreigners Tribunal ha u December 2018 ym ye ko wow pynbiang ya ki sabut wa man ko kam ka nong India katkam ka Section 9 ka Foreigners Act, 1946 heiwa ka Tribunal da ong ko wa kani ka bru da psiah tooh ko cha India hadien ka 25 tarik u March 1971.
Da yaleh pyrchah ko ya ka rai ka Tribunal heiwa ya ini ym em pdiang da ka Gauhati High Court ha u October 2020 wei ya ka Special Leave Petition yong ka leh da kyntait da ka Supreme Court ha u November 2025 neitæ ka Review Petition yong ka leh da chah kyntait ko ha u March 2026.
Hajrong kini ka sorkar da ong ko wa da pynkhreh ko wow pynyuiñ ya ka na India wei da pyntip leh ha ka High Court wa ki 1,16,946 ngut ki baar ri dang uiñ laitlooid ki ha ka jylla.
Discussion about this post