U District Magistrate ka East Jaiñtia Hills ynne ka sngi da pynmih hukum u yow pynkrehkaam da ka TOTAL CURFEW ha waroh kawi ka District nadooh 8:00 waje i miet ka 21-05-21 hadooh 5:00 waje i step ka 31-05-21.
Ya kani ka hukum da pynmih yow pynsangeh yei poor ka khlam COVID-19 kawa da joor bha katni.
Ha ini i por wa em ka TOTAL CURFEW ym chah wow lai na kawi ka District cha kawi wei ym chah ya uwon uwon wow mih cha lait khlem em daw wa biang wei kiwa mih khlem biang ki Pass daw chah pynchitom ki.
Waroh ki kaam chna yung kiwa em ki wakreh pyn heithaw kreh kiwa chah ini wa dep da man ki kiwa da chah pyndam.
Ka SBI Khliehriat Branch wa ka Punjab National Bank Khliehriat Branch donhi u chah wow wai deiwa pynduna ya ki bru wakreh.
Du kiwa yoh bor donhi wow leh ya ki Home Delivery ya ki mar wa emkaam u chah u leh ki deiwa bood thij ya ki kyndon.
Waroh ki thaw puræ u man ki kiwa khang katwa ki Online Class pteiñ ki kamwa jooh.
Ki Dhaba wa em cha rood sarok, ki dukan cha toh du kitu kiwa yoh bor donhi.
Ki dukan wa dai ya ki marbaam wa emkaam kiwa em chi thaw ha ki dong wym em wa yoh COVID-19, u chah u wai ki deiwa pynbait ki Waheh Chnong deiwa bood kyndon kamjooh ya ka Social Distancing, u deiñ ya ki Mask, u sait ya ki kti wa kiwi kiwi.
Ym chah wow mih ki kari kiwa ym toh wa lai ya ki kaam wym hoi u dam.
Ym em khang ya ki kaam wa yatoh wa i chait i khiah wa i lai e tika, ki kaam rep wa ki kaam wa yatoh wa ki mrad wa ri wa psan, i kit ya ki mar wa emkaam, ki kari wa leh ya ka E-Commerce, kiwa kit dawai dachin, kiwa leh Home Delivery, ki bru wa lai ya ki kaam sorkar kam ki COVID Duty, ki pulit, ki chipai, ki Civil Defense wa Home Guard, ki Fire & Emergency Services, ki kari wa chna chaka kari kiwa em harood u National Highway wa kynthup ya ka Basu Workshop, Lad Sutnga kawa katni da booh wow chna ya ki kari wa lai ya ki kaam COVID.
Ym em khang leh ya ki wakreh ha ki kaam bordiñ kam ka NEEPCO, MeECL, Powergrid wa kiwi, ki kaam pynpoi um ka PHE, ki kaam ka PWD, NHAI, ki wakreh Information & Public Relation, ki dukan rachon u wai ki Monday hadooh Saturday nadooh 8:00 waje i step hadooh 4:00 waje i janmiet.
Ki yung krehkaaam sorkar u wai ki katkam wa da dep pynbna chwa.
Lada em i yap bru, u chah wow em du 20 ngut ki bru deiwa yoh bor chwa.
Kiwon kiwon kiwa leh pyrchah daw chah pynchitom ki katkam ka aiñ Disaster Management Act, 2005, ka Epidemic Disease Act, 1897, Section 188 ka IPC wa Section 7 ka Essential Commodities Act,1985.
