Ka Tura man ko kawa chah iehbieñ da ki boon tylli ki snem: Conrad

U Montri Rangbah ka jylla, u Conrad K Sangma ynne da wai paidbah u ya ka thaw pynyieñ kari kamjooh kawa em dukan namo ka Commercial Facility-cum-Parking Lot yong ka chnat Urban Affairs Department ha Akonggre, Tura kawa da chna hei lut wa T. 25 klur hei emlang u Thomas A Sangma, uwa e buit ya u Montri Rangbah ka jylla, u Deputy Commissioner ka West Garo, u Swapnil Tembe, u Superintendent of Police, u VS Rathore, CEO ka Tura Municipal Board wa kiwi kiwi. 

U Conrad hawa e yei klam da ong u wa ka Tura kawa man ka Headquarter ka Garo Hills da man ko kawa chah iehbeiñ da boon snem khamtam ha ki kaam pynroi. Da ong u wa kani ka sorkar da kreh ko neibynta ki kaam pynroi hapoh kani ka sor nadooh wa wan ko hei bor. 

Da ong u wa hapoh ka Smart Town Project, ka sorkar da pynlut ko T. 55 klur wow pynmiatdur ya ka Tura kamjooh wow chna ya ki sarok ha ki dong waphær waphær heiwa T. 15 klur won neibynta ki sarok thymme wa T. 13 klur won wow chna pynmiat ya ki sarok wa da em. 

Da ong u wa ka sorkar da yaleh ko wow pynsuk ya i rukom duna um ha Tura wei hadooh 60-70% ki kreh da man ki kiwa lai bait wow pyntikna wa poi ka um cha ki manyung. Da ong u wa ka Tura katni da heh da krai ko, wei ha ka bynta wa ar wow pynmiat ya ka chnong da sdang i kreh ya u sarok ha talawiar ka Tura Bazar heiwa daw pynlut hadooh T. 5- T. 6 klur wei waroh ki dong daw yoh ki ya ki Solar Street Lights heiwa da kyntu u leh ya ki paidbah wow krehlang wow pynkylla ya ka Tura. 

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da klam u leh chaphang i ku dor ki mar ki mata deiwa leh yong ki kattu katni heiwa da kyntu u leh ya kiwa khayi pateiñ wow ya krehlang ki wa ki pulit kamjooh ki bor District kiwa da e bait yei yarap.

Da ong u wa ka thong toh yow pynman ya ka Tura kam kawi na ki chnong wa biang dooh hapoh ka thaaiñ Northeast deiwa ban joor leh yei emkaam wow em i rukom wa biang yow pynlang pynlum yei jhep.

Neiliang u DC da ong u wa deiwa em kani ka thaw thymme daw yarap ko leh wow pynduna yei khynnia ka yaaw ha Tura wei kiwa chongdai leh daw hap noh ki wow bood ya ki kyndon kiwa da pynbna da ka Tura Municipal Board.