theme-sticky-logo-alt
theme-logo-alt
Advertisement ad1
Advertisement ad1

Lada u Pala ym sñiawthooh u yei rukom chimkti yei thaw ha Them Metor ye u wow yachem wa nga: Prestone

Advertisement ad1

U Symbood Montri Rangbha ka jylla, u Prestone Tynsong da kyntait u wa em i yatoh ktien kawa heh dor hajrong i chimkti noh ka sorkar yei thaw wa em ha Them Metor wei i kyrriah ya ki bru na katai ka thaw kawa em ha Them Iewmawlong.

U President ka Meghalaya Pradesh Congress Committee (MPCC), u Vincent H Pala da ong u wa ye wow em i pynbait dor kawa heh hawa yatoh wa i thmu wow chna ya ka Shopping Mall ha Them Iewmawlong hadien wa da kyrriah ya ki bru na katai ka thaw, neibhah ka sorkar ka thmu ko wow e wai ya katai ka thaw cha ki heh spah neibynta wow chna ya ka Shopping Mall.

Advertisement ad1

Hawa kylli hajrong ini i pynbaad, u Prestone da ong u wa ym tip u ya ini tangwa kamwa man katni ka chnat pynroi sor (Urban Affairs) ka dang pynkhreh ko ya ka Blue Print wow pynwandur ya katai ka thaw wei daw wanrah leh ya ka Shopping Mall lane ka Shopping Complex kawa katkam ka juk wa katni kawa daw emlang yei thaw neibynta kiwa chongdai madan.

Da ong u lada u Pala ym sñiawthooh u yei rukom chimkti yei thaw, smat u wow yachem wei wow pynsñiawthooh kammon ka sorkar leh ko wow yoh ya katai ka thaw. Da ong u wa toh sakhiat wa i ya sñiawthooh toh kawa heh wa iwa jop.

U Symbood Montri Rangbah da ong u wa lada u Pala ym sñiawthooh yei rukom chimkti yei khyndaw lane ya ka soskular chim wai yei thaw toh u yachem u mar dei khmat yow yoh yei batai bniah.

Share this:
Previous

Ka Tura man ko kawa chah iehbieñ da ki boon tylli ki snem: Conrad

Next

Da jan rah ka Mawlai ya ka Shillong Premier League 2021-22