Ka UDP kyrchaan ko ya ka Scientific Mining lada yahaap wa i rukom man ki thaw cha i: Kyrmen

U MLA ka UDP, u Kyrmen Shylla ynne da kyntait u yeiwa klam ki bru wa em i piah i pra hapoh ka Party, deiwa ong wa ka Party skem ko wei da man ko kawa da pynkhreh wow yaleh ya ka Election chiteiñ samoi ka Shillong Parliamentary Constituency.

Hawa yaklam wa kiwa thoh khubor, u Kyrmen da ong u wa ka UDP dadep ko wow pynkhreh ya ka luti kammon wow yaleh ya ka Election wei kawi toh wow pynkhlan ya ki Constituency kiwa jooh jop ko.

Da ong u wa ka Party em ko boon kiwa yahkhmat kiwa khlan wei ym tlot ko lada em kiwa jied u mih noh.

“Lada em kiwa mih, da em kiwa biang kiwa smat wow chim yei kitkhlieh,” da ong u.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Heiyatoh wa i tih mooyong, u Kyrmen da on u wa ka sorkar da kreh ko kammon wow sdang biang yei tih mooyong katkam ka aiñ deiwa pynrap wa ka UDP kyrchaan ko yei tih mooyong deiwa leh da ka Scientific Coal Mining lada leh deiwa yahaap wa i rukom man i thaw i bhaw ka Meghalaya.

Da ong u leh i tih mooyong deiwa leh da ka Large-Scale Mechanised Mining toh ka wym yahaap neidaw i rukom man ka thaw cha i wei toh u thooh da kiwi ki laad kiwa ye u man katkam ka aiñ wei kawa yahaap cha i.