U Chief Secretary ka jylla, u DP Wahlang ynne da ong u wa ki kyrdan Degree wa e da ka University of Science and Technology Meghalaya (USTM) toh kiwa hok wei kiwa da pynskem leh da ka sorkar.
Da ong u wa ka USTM toh ka State University kawa da e bor wei tipmit da ka yung dorbar chna aiñ ka jylla wei ki Degree wa e toh kiwa da tipmit da ka UGC waka Medical Council kamtæ ymye wow leh thok ya ki.
Ini i ong u Wahlang toh hadien wa pynbaad u Montri Rangbah ka Assam, u Himanta Biswa Sarma ha ka 16 tarik uni u bnai deiwa ong wa ka USTM toh kawa thok.
U Himanta da kam u wa da dai ya ki PhD wei ki Exam leh ki wym tikna wei em chiboon i duna ha kani ka skurbah.
Ka BJP Meghalaya leh da kyrchaan ko ya u Himanta heiwa da dawa ko leh wow pynman takit hajrong ini.
Neiliang u Montri ka chnat Education, u Rakkam A Sangma ini wadep da ong u wa emkaam wow biang ki sabut chwa wow leh iwon iwon pyrchah ya ka USTM.
Discussion about this post