15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Ka VAB toh neibynta ki paidbah ym toh ya kiwa synchaar chnong: TUR

0 Comments

Jowai: Ka seiñ Thma u Rangli Juki (TUR) ha ka khubor wa pyllait ko da ong wa katni da mih biang ka la-ær wa i yaklam chaphang ka VAB ka KHADC da pynkynmoo ko wa iwa kongsan dooh toh wow wanrah ya i pynkylla (Amend) chwa wow pynman aiñ ya ka wei ye ko u yieñ ha khmat ka aiñ yow man sakhiat ko i kyrkhu ya ki paidbah.

Ka TUR da ong ko wa i pynkylla ya ka VAB toh i angnood yong ki paidbah, wa i wa pynkylla ha ka VAB u man ki neibynta kiwa chong chnong ym du neibynta ki Rangbah Shnong næ kiwa synchaar chnong, i wa ar won toh neibynta ki kynthai toh u embynta wa pura ki ha ki kaam synchaar namo i pyllai chnong wei ka aiñ toh u wai ko ya waroh kiwa chong chnong u embynta ha i pyrkhat kaam wa ki rai wow chim.

Ka TUR ka pynsñiaw ko wa ha i yaklam wa i yatai nia katni ymtoh u wiar hi-eh ki wei emkaam u mih soh ki.

Ymtoh u chah u em wow pynkulmar ya ki paidbah da ki daw wym chong ñia yow sahkut biang ko neibhah man ki ki buit yong kitu kiwa kwah wow pyndooh pyndam ya ki bor yong ki dorbar chnong khnang wow yoh ki u khwan myntoi samen ya ka spah ka rymaw wei toh u em ki kyndon wa ka dorbar chnong wa kiwa chong chnong ye ki u khang ya kiwa riñ naphang ya ka spah wa kiwa pynsih ya ka rymaw.

Nalor ini, ka VAB ymtoh u man ko neibynta ki Rangbah Shnong næ kiwa synchaar chnong toh u man ko neibynta i synchaar khadar wa i pyllai kaam chnong da ki paibdah neibynta ki paidbah katkam ka riti synchaar ka ri.

Ki kyndon ka VAB wa toh u pynkylla noh toh ka Section 19, Section 8(1)(i), Section 6, Section 13-17 wa kiwi kiwi. I ksoh bor ha khlieh dooh da ka District Council kamwa em ha ka VAB toh iwa maa dooh neibhah ka District Council katkam ka VAB wa da chna da ksoh ko ya waroh i bor nadooh wow man ko kam kawa thung, kawa bichaar wa kawa pynkrehkaam ya waroh wa ini. Da che kdar ha ka Section 19 kawa klam chaphang ini i bor (Emergency Power) wa ye u knieh ya ka bor synchaar na ki chnong ha iwon iwon i por wa sñiaw biang ki kamwa man ha ka Aiñ Appointment of Chiefs and Headmen Act 1959.

Ki Section 13-17 klam ki chaphang ka Village Development Council (VDC) wei i rukom wanrah ya ka (VDC) toh u pyndam noh. Ka VDC toh kawi tawon ka bor kawa pait ya ki kaam pynroi namo ki Scheme wei kani ebor ko ya ka chnong wa ka dorbar chnong yow ye ko u lehbor neibhah da ksoh ko ya ka poisa tyngka yong ki kaam pynroi. Khlem pep daw mih i yatyngkhooh kawa joor hapyrdi ka bor dorbar chnong wa ka VDC.

Ini da jia i wa ki Village Employment Council (VEC) kiwa krehkaam katkam ka aiñ NERGA wei ka VEC da tyngkhooh ko wa ki Dorbar wa ki bor chnong, wei da yah ko cha ki kaam baam-tooh wa chyrkhei, da pynmih boon ki kulmar ha ki chnong ki thaw wei da pynhiar dor ko ya ka bor synchaar wa i rukom pyllai chnong tynre.

Yow lait na ini toh u pynbait bha ya i rukom pynwan dur ya ka dorbar chnong wa i rukom synchaar hadooh ki kaam poisa poilaiñ heiwa waroh ki kaam pynroi toh u lai ki lyngba ki dorbar chnong wei ha kani ka rukom daw ye u wanrah tikna ya ka roi ka paar wei ye u khanglaad leh ya ki MLA, MDC, MP hadooh ki sahep sorkar u leh kaam sop sop ki hei yatoh ka roi ka paar.

Da pynkut deiwa ong wa waroh ki chnong toh u khut dorbar ki yow chong pyrkhat yow e ki ya ki kyndon cha ka sorkar kiwa kwah ki u pynkylla.

Previous
Next

0 Comments

Leave a Reply