Ka Viewpoint ha Mookyndur yow suk u paitke ya ka Sung

Jowai : Kam wow sahkynmoo ya ka kynti wa dap 10 snem yong ka Discover Jaiñtia kamjooh leh ya ka seiñ Jaintia Tourism and Environment Society (JTES) da wai ya ka Viewpoint næ i thaw paitke kiwa uiñsuwari wow yoh ki yei thaw wa suk u paitke ya ka pynthor Sung (Sung Valley) ha chnong Mookyndur.

Da wan wai ya kani ka Viewpoint da u ma F.R. Kharkongor uwa jooh man kam u DC warim ka Ri-loom Jaiñtia weiwa heipor yong oo da sdang ya ka Discover Jaiñtia.

U ma Kharkongor da yaroh ya JTES wa ye ko u pynim ya kani ka Discover Jaiñtia kattu la 10 snem neibha kiwi tawan ki kam ka Autumn Festival wa ka Winter Festival da wiar ki.

Da pynkynmoo u leh ya ki paidbah wa em ki chnong wa ki ri wa ym em ya ki marpoh khydaw tangwa im ja ki nei ‘Tourism’ næ ki kaam uiñsawari deiwa pynneh pynsah ki ya iwa da em chwa ha ka rymaw.

Ya kani ka Viewpoint da chna deiwa yarap poisa ka sorkar kamjooh i yarap poisa ki dkhot ka JTES kamjooh wa kiwi ki bru samen.

Related posts

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025

Pynskem Unit ka Seiñ Kur Suting ha chnong Moosakhia

August 31, 2025

U president ka JTES u ma P. Lyngdoh da pynchlur u ya ki paidbah u chimkhia ya ka lad ki luti wa e ka sorkar wow chna ya ki thaw sah ya ki bru wa wan uiñsuwari kamjooh leh da ong u wa daw phah kyrriah ya u post light wa em ha pyrdi kani ka viewpoint.