Ka VPP toh u burom ko yei rai ki paidbah; Ymtoh u sikai skur ko ya ka ECI: Sniawbhalang

U heh ka National People’s Party (NPP), u Sniawbhalang Dhar da ong u wa ki paidbah ka Ri-loom Jaiñtia daw e ki sa ka “Red Card” ya ka Voice of the People Party (VPP) ha ka Election MLA 2028.

Da ong u wa i daw wa lai ki heh ka VPP dei langær cha Jaiñtia toh neidaw wa tieñ ki ya ki paidbah wa dadep e “Yellow Card” ya ka ha ka Election MDC.

Chooh chooh da ong u wa ka VPP da jan yoh “Yellow Card” ko wot ha Ri-loom Khasi neibhah waroh 29 seat wa jop Election MP ko tangwa da jop won ko du 17 seat ha KHADC.

Ini i klam u Sniawbhalang toh hadien wa u President ka VPP, u Ardent M Basaïawmoit da maham u wow rah yaklam cha Election Commission of India (ECI) wow paitsiar ya ka Ri-loom Jaiñtia chwa ka Election MLA 2028. 

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Chwa ini ka VPP da phah chithi ko cha u Chief Secretary, heiwa da dawa ko wow takit laitlooid hajrong i wym lai bait ka Election ha JHADC.

Heijooh i por da ong u wa dang sahnood ka VPP ya ka Election ha JHADC, deiwa pynrap wa ka VPP toh u burom ko yei rai wa da e ki paidbah ka Ri-loom Jaiñtia wei ymtoh wow sikai skur ko ya ka ECI kammon wow pynlai bait ya ka Election.