U Symbood Montri Rangbah ka jylla, u Prestone Tynsong da ong u ya ka Voice of the People Party (VPP) wa iwa miat wow chimbynta ha ka yalang All Party Committee (APC) wow pyrkhat hajrong ka luti rel wei wow klam yeiwa kwah ki.
Hajrong i kyntait ka VPP wow em ha ka APC, u Prestone da ong u wa ym sñiawthooh yi mut ki hawa ym kwah ki wow embynta ha ka APC wei ka sorkar da klam che ko wa hawa khut yaklam ko toh wow tip yeiwa pyrkhat yong kiwa boon heiyatoh wa kiwon kiwon ki kaam.
Chooh chooh da ong u wa i kwah u montri rangbah ka jylla wow em ka APC toh wow syllok wei wow e yumut na waroh kiwa embynta, lada pdiang næ kyntait ya ka luti rel ha ka thaaiñ Khasi-Jaiñtia.
Heiyatoh ka luti rel wa ka sorkar, u Prestone da ong u wa hap lai ryngkat wa i kwah ki paidbah wei katkam wa man katni i klam ki bru toh lada wan ka luti rel, waroh kiwi ki jaitbru u wan ki chapoh Meghalaya wei u chim ya i rai wa bha tam neibynta i bha ki paidbah.
Discussion about this post