Jowai : Ka Thomas Jones Synod College deiwa pyrkhat ya ki khynnah puræ wa dang yang result class XII kiwa em i thmu wow chim ya ka English kam ka Major Subject ynne ka sngi da sdang ki ya ka esikai næ ka workshop hajrong ka phang ‘The essence and salient features of the honours course in English.’
Kani ka workshop toh kam wow pyntip ya kiwa kwah puræ ya ka honours wa 3 snem. Dei yoh ki khynnah u maad ya kani ka workshop ki khynnah ye ki u jied wa yatoh næ ym em wa kani ka laiñ puræ.
Ha kani ka workshop dawan palat 50 ngut ki khynnah puræ na kiwa boon ki skur ka chnong Jowai kam ka St. Mary Mazzarello, KJP Synod HS School, Jowai Presbyterian HS School Jowai, North Liberty HS School wa ki khynnah puræ ka Thomas Jones College.
Ha chwa u sdang ka workshop u principal ka college u ma Dr. R. R. Kharkongor da pynkynmoo u ya ki khynnah wa i rukom puræ na class XII phær ko bak la bak neibhah ha ka honours course haap pynemkaam bha yei bor pyrkhat ym toh de deiwa khreh lyndet.
Ki le ngut ki nongsikai ka English Department ka college ynne ka sngi ka kong V. Bamon ka wa da sdang ya kani ka workshop deiwa klam hajrong ka phang ‘History of English Literature.’ Hei klam yong ka da sdang ko nadooh ki por warim wajah wa kammon sdang ka English Literature wa kiwa thoh kiwa da pynwandur ya ka English Literature hadooh ha kini ki por.
Ka wa ar won ka nongsikai ka Kong E. pde da klam ko ya ka phang leh drama wa boon jait i rukom nadooh ki comedy, farce, melodrama wa kiwi kiwi.
Kawa le ka nongsikai wa e yeiklam ha kani ka sngi toh ka kong P. Susngi kawa klam ha jrong ki sur-rwai (poetry) kiwa emkaam bha heipor puræ ya ka subject English. Hei klam yong ka da sikai ko ya ki khynnah yei rukom puræ ya ki poetry, yei rukom thoh ya ki poetry wa ki jait poetry. Da kdaw ko leh yei rukom pynemkaam ya ki kyntien da kiwa thoh yow pynbang ya kiwa puræ kiwa ye u kit yumut wei pyrkhat yong ki kamwa wa da thmu u wa thoh.
Ya kani ka workshop daw pynkut mynstep ka 2 tarik.
Discussion about this post