Jowai: U Incharge iong ka Traffic Police, West Jaintia Hills District, Jowai da e u ia kani ka wyrta ha i iatoh waka lai ka wan ki kari ha Jowai.
Da maham ya waroh ki Local Taxi wa ymhoi u pynhiar passenger ki ha pyrdi sarok laitnoh ha ki thaw wada booh kam ha ki stand, wa ki thaw pynhiar pynku bru (Embarkation wa Disembarkation point.)
Hei iatoh wa ki kari Tourist da maham ia ki ym hoi u pynku passenger cha sarok lait noh ha ki thaw yien.
Da khang leh ia warhoh wa ym hoi u dih sikret ne biri hapoh ki kari kamai.
Waroh ki Kari iong samen (Private) nae kari kamai ym hoi u klam phone nae dih kyiad hei por wa iah kari. Da maham leh wym toh u pyndait ia ki Halogen, LED Bulb wei biah Sun Control ha ki iit kari. Ha i por miet ki kari waroh ym hoi u lai ki khlem pynche light. Nei bynta ki kari kamai ym hoi u pynyien ki ha ki thaw no parking Zone.
Da maham leh ia waroh ki kari wym hoi u kamai nae iah kari khlem biang ki kotkari, driving license kiwi kiwi. Hei jooh i por leh da maham ia waroh wa ym hoi u iah motorbike nae scooter khlem sap ia ka helmet.
Kamtae, u incharge iong ka Traffic Police, Jowai da kyrpad u ia ki nongniah kari waroh wa u sniawbha ki u iakrehlang wa ka Traffic Police khnang wa ki luti u man ki wa lai beit lai ryntih kiwa lait na kiwon kiwon ki jingeh.
Discussion about this post