Jowai : Ha ka lympung yalehke football wa tip kam ka Tiger Five wa pynman da ka Jalapang Sport Club ha Wahiajer da pynyaleh ya ka Quarter Final ynne ka sngi hapyrdi ka Chaphrang FC wa ka Rilang FC.
Ha kani ka yakhun ka Chaphrang FC da jop ko da 6-3.
Ya ki kool ka Chaphrang da thap da u Riburom Jat haka minit wa 8, u Heimon Dkhar haka minit wa 13, u Samelyroi Phawa haka minit wa 34, 38, 43 wa u Oliver Pale haka minit wa 50.
Katwa ya ki kool ka Rilang FC da thap da u Embolden Phawa haka minit wa 11, wa na u Riwan Rymbai haka minit wa 55, 60.
Ki soo tylli ki dhab wa yoh u psiah cha ka Semi Final yong kani ka lympung toh ka 7wasa, Avenger FC, Larnai FC, ka Chaphrang FC wei ya ki tarik Semi Final daw pyntip ya ki hadien.
Discussion about this post