Ka yakhun Semi Final yong ka 1st Invitation T-12 Knockout Cricket Tournament ynne ka sngi

by Wyrta Staff

May 25, 2017

Reading Time: 2 mins read

Jowai: Ka 1st Invitation T-12 Knockout Cricket Tournament kawa da pynman daka Seiñ Khynroo yong ka dong Caroline Colony da poi ko cha ka yakhun Semi Final ynne ka 25 tarik, ka yaleh da man ko hapyrdi ka Rising Star pyrchah ya ka Police Reserve heiwa ka Rising Star da jop ko da 30 run.

Ka Rising Star da sdang ko u tied nyngkong heiwa da booh ko ya ka thong (target) 128 deiwa dooh ko 6 wicket.

Kiwa bat wa kamai run bha toh u Sa-u-ni Nongtdu 38 run wa u Armo chullai 35 run. Neiliang ki wa ball won yong ka Police Reserve u R. Singh da yoh u 3 Wicket. Kamtæ neiliang ka Police Reserve da kdong ko yaka thong heiwa da kamai ko 96 run deiwa dooh 5 wicket.

U B.K. Singh da yoh u 28 run, u Ayian Das da yoh u 26 run katwa neiliang ki wa bol ka Rising Star u Richard Patwet da yoh u 2 wicket katwa u Pyni Lynti Bareh da yoh u 2 wicket.

Ya ka 2nd Semi-final mynstep u man ko heipor 9:00 waje hapyrdi ka VR-46 wa ka Nakasaki.