Ka yalang hapyrdi ki waheh chong, khut ka MPUF hajrong i chna Mosque

Jowai: Ka seiñ Meghalaya People’s United Front (MPUF) hadien wa da mih khubor yong wa ka yung mane muslim da chna beaiñ harood ka wah myntdu kawa man tyngkheiñ yaka hukum ka National Green Tribunal (NGT) natlor wom biang ki kot ki sla, ha kani ka 17 tarik u Naiynru da khut yalang ko ya ki waheh chnong ka Jowai wow yaklam pynbait hajrong ini i chna beaiñ heiwa da wan emlang u waheh chnong ka Ladthalaboh u L. Lakiang, u Secretary ka Iawmusiang u K. Lywiat, Secretary chnong ka Newhill wa kiwi kiwi wa kynthup leh ki dkhot ka Synjuk ki Rangbah Chnong Ri-loom Jaiñtia kam u president u A. Lypon, u founder president W. Rymbui wa kiwi kiwi.

Ya kani ka yalang da pynman ha yung krehkaam ka MPUF wa em ha Loompariat wei da yaklam sani bha ki hajrong kani ka phang.

Hadien ka yalang da yoh u yaklam wa ki waheh chnong kamjooh u President ka seiñ hajrong ka rai wa chim ki ha kani ka yalang.

U L. Lakiang uwa man leh kam u adviser ka Synjuk ki Ryngbah Chnong Ri-loom Jaiñtia da khana u wa da chim artylli ki rai ha kani ka yalang, iwa nyngkong toh u yachem chwa ha pyrdi ki 3 dorbar chnong wa kynthup yaka Ladthalaboh, Newhill, Iawmusiang neibhah ympu em che ya u pood u ang wa heiwon kani ka Mosque haap ko, khamtam hapyrdi ka Newhill waka Iawmusiang wei da ong u wa sñiawsih wa uwa dai wa uwa theid leh ym em thooh tre ki heiwon i dong haap kani ka thaw.

Related posts

Yap uwi wa yarap wow sai ya ki ar ngut wa haap chapoh ka thlu um wa yillu 40 phut ha Jowai

July 25, 2024

Da toh ieh mylliñ ya kawi ka muna skur hawa chong Taxi ha Jowai

July 23, 2024

Da pyntip u leh wa Neiliang ka Synjuk Rangbah Chnong Riloom Jaiñtia ha kani ka sngi da chim ki leh ka laad u pyntip cha ki paidbah ka Ri-loom Jaiñtia wa chwa u chna yaki yung, ki skur, ki college, wa kiwi kiwi emkaam u yohbor ki na ki Waheh Chong neibhah ki toh wa em i kitkhlieh wow yada kynthup leh nadooh i ya dai ya thied ya ki thaw.

Hei yatoh weini da ong u leh wa daw phah pyntip ki cha waroh ki 500 tam ki Waheh Chnong ka Ri-loom Jaiñtia.

U Dapoiwanmi Laloo da ong u wa ym em pyrchah ki ya kawon kawon ka niam tangwa pyrchah ki toh wa chna beaiñ yaka yung wei hei tooh bniah ya ki dong wa toh u pait ong ki ym em tip ki iyi yi leh. Heijooh i por da e u ka khubor cha ki paidbah wow man kiwa syndong wa pait bniah chwa wow jia iyi iyi ya ka jaitbru.