Jowai: Ka synjuk yong kiwa sikai SSA hapoh ka jylla ka Meghalaya SSA School Association (MSSASA) seiñbei lyngba u Publicity Secretary u Starwell Lyngdoh da pyntip ki wa daw pynman ya ka yalang kiwa sikai SSA kiwa em hapoh ka lama yong ka Meghalaya SSA School Association (MSSASA) East Jaintia Hills District Unit kawa kynthup ya ka Khliehriat wa Saipung Block ha ka 11 tarik uni u bnai hapoh Khliehriat West Community Hall Iaw Pyngkat heipor 11 waje i step.
Kamjooh leh ka yalang yong kiwa sikai SSA kiwa em hapoh ka lama yong ka Meghalaya SSA School Association (MSSASA) West Jaintia Hills District Unit kawa kynthup ya ka Thadlaskien, Laskein wa Amlarem Block daw pynman ya ka yalang ha ka 18 tarik uni u bnai hapoh District Library Auditorium Jowai ha i por 10:30 i step.
Ha waroh ar tylli kini ki yalang daw e ya ka kaiphot yong i yachem ka seiñbei wa u Montri Rangbah ka jylla u Conrad K Sangma ha ka 24 tarik u bnai wa da dep wow yaklam hajrong ka tulop, ka Arrear wa kiwi kiwi ki phang dawa yong ka synjuk na i bynta i bha i miat yong kiwa sikai SSA.
Daw em leh kiwa yahkhmat ka seiñ nadooh u President u Aristotle C Rymbai wa u General Secretary u H.M. Marbaniang nalor ki dkhot ka Central Executive Members (CEC) ha waroh ar tylli kitai ki yalang.
Discussion about this post