Tura : Kam chibynta wow pynduna yei khynñia ki sarok ha sor Tura da pynman ya ka yalang yong ka District Level Committee on Road Safety ha DRDA Conference Hall, West Garo Hills, Tura ynnin ka 11 tarik.
Ya kani ka yalang da pyllai da u Superintendent of Police, West Garo Hills, u Dr. M. G. Raghavendra Kumar hei emlang u Additional Deputy Commissioner/D C Incharge u D. D. Shira, heiwa da pyrkhat kammon wow leh wow pynkyllooid ya ki sarok ha kani ka sor.
Ha kani ka yalang u Dr. Kumar da pynkynmoo u hei yatoh wa emkaam wow yada wa kiwi kiwi ki kaam wow leh heipor wa yah kari wei wow bood ya ki kyndon aiñ wa ki hukum wa pynmih ki bor pyllai kari.
U Shira da kyntu u ya ki tnat sorkar waphær waphær wow pynkhreh ki ya ki Project Proposals wei wow phah ya ki cha ka District Administration yow thooh laad ko wow pynduna yei khynnia ki sarok.
U Traffic Incharge, u N. Rai da pyntip u wow pynman noh da ka One-way nadooh na Araimile Tri-Junction wei wow mih hadooh ha Araimile Church hajan ka laad ITI. Sa kawi tawan ka One-way toh na Hawakhana wow psiah cha District Council Office lyngba ka Jerusalem – Forest Department, GHADC, Tura wei wow mih na Tura Government College deiwa lai na timun wow ha Sangma and Sangma Showroom wei na tidiang hajan i yung u Capt. Sangma, Tura.
Iwi i daw wa khynnia ki sarok da ong u Shira toh neidaw wa lai booh skur ki manbei manpa katwa kamtæ da kyntu u ya ki skur wow booh noh da ki bus.
Discussion about this post