15 49.0138 8.38624 1 0 4000 1 https://wyrta.com 300 0

Ka KHADI ha Meghalaya ym em u krehkaam ko kamwa mut: Saxena

0 Comments
Advertisement ad1

Shillong : U Chairman ka Khadi Village Industries Commission (KVIC), u Vinay Kumar Saxena da ong u wa ka KVIC ha ka jylla Meghalaya ym em u krehkaam ko ha waroh kini ki snem wei yeini da ong u hawa wan u nyngkong dooh hapoh ka jylla.

Hawa yaklam wa kiwa e khubor ha Pinewood Hotel, Shillong; da ong u wa hawa pait u ya ki kot ki sla yong ki 20 snem wa da lai da chem wa ka KVIC ha ka jylla Meghalaya ym jooh krehkaam ko kamwa da yooluti.

Da khana u wa ka KHADI, KVIC boon bha iwa ye ko u leh ha kani ka jylla kam ki kaam ri ngap, ki karkhana khian kiwa khlem pynemkaam ya ki bordiñ wa kiwi kiwi.

Da ong u wa ka sorkar daw yarap daw pynchlur ko ya kiwa chong chnong ka jylla ha ki kaam ri ngap wei ha uni u snem da mang wow e hadooh 5000 tylli ki ksiñ ngap cha ki wa ri ngap.

Katkam wa ong u Sexana, ka sorkar daw jied ko ya ki wa ri ngap ha wow chah hikai ki wei wow yoh yarap na ka scheme Prime Minister Employment Generation Programme (PMEGP) wei ha uni u snem da mang wow yarap hadooh 965 ngut ki bru na kani ka jylla wa ka subsidy kawa T. 4.37 Lak.

Heijooh i por da pyntip u wa ka sorkar daw pynkrehkaam noh ko da ka online application neibynta wow pyndap ya ki form neibynta kitu kiwa kwah wow yoh yarap na ka PMEGP ka wow pynsuk chiboon ya ki paidbah.

Advertisement ad1

0 Comments

Leave a Reply