Jowai: Ka Joint Action Committee on Indigenous People Economic Right (JACIPER) hapoh i yahkhmat ka Meghalaya Commercial Vehicle Union daw pynman ko ya ka yalang haka 9 tarik uni u bnai ha 7mer, West Jaiñtia Hills heipor 11:30 i sngi.
Kani ka yalang toh ka wow rai neibynta wow chim rai heiyatoh wa i kut por (deadline) wa booh ka Committee chwa ka 10 tarik uni u bnai ya ki karkhana khyndawbilat (Cement Factory), ka Transport Department, ka State Transport Authority wa ki Autonomous District Council.
Ki dawa toh wow khang noh ya waroh ki kari ki baar jylla ki wym biang ki kot ki sla wow kit mar ki na ki kharkhana pynmih khyndaw bilat wa em ha EJH. U pynku ya ka bai kit kat kam ki dor wa da booh ka sorkar. U thoh cha ki District Council wow dam noh u e Trading License ya ki baar jylla wa wan kamai trok hapoh ka jylla wa kiwi kiwi.
I dawa kani ka Committee toh katkam ka rai wa da chim haka ha ka yalang kawa da pynman haka 2 tarik uni u bnai.
Kamtæ da kyrpaad ya waroh wow yawan ki cha kani ka yalang.
Also Read: Rai ka JAC wa ym chah de ya ki kari na baar wow kamai hapoh jylla nadooh ka 9 tarik
Discussion about this post