Jowai : Ka Independence Cup 2016 da jan poi ko cha wa kut ka First Round. Ynne ka sngi da yachem ka Chutwakhu wa ka Mookyrdup ha madan Kiang Nangbah Stadium Ladthadlaboh.
Ka yalehke man ko kawa yathain bha. Ka Chutwakhu mar ya sdang ka yalehke da thap ko ya ka kool ha ka minit wa 4 lyngba u Monlangkioo Kam.
ADVERTISEMENT
Ka Mookyrdup won da ye ko u su kylliang ha chwa u kut ka kylla step ha ka minit wa 31 da ka kool wa thap u Hamedy Khonglah.
Ha ka kylla meit won pynar liang da yaleh ki u thooh ki laad ki luti yow pyntaam ya ki kool wa da thap ki tangwa hadooh wa kut da neh 1-1
Mynstep ka yalehke u man ko ha pyrdi ka Shangpung Khliehmuchut wa ka Khliehiongriang hei por 4 waje.
Ya ka First Round u pyndep ha ka 6 tarik uni u bnai.
Discussion about this post