15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yachem ki bei ki pa wa u DC hei yatoh wa ka Development Fund

0 Comments
Advertisement ad1

Jowai: Ki bei ki kpa ki khynnah wa puræ ha ka Jowai Public School ynne ka sngi da lai yachem ki wa u Deputy Commissioner ka West Jaintia Hills District u Arunkumar Kembhavi yow pynsniaw yei pyrchah hajrong ka hukum wa pynmih da ka office Directorate of Higher and Technical Education yong ka sorkar jylla kawa ong wa waroh ki khynnah school u hap su ki T. 2400 chisnem kam ka bai Development Fund wa ka T. 500 ka bai Computer.

Heini i yachem, u DC da khana u ya ki wa ya kani ka hukum da phah ym du ya ka Jowai Public School wei da phah leh cha kiwi tawan ki Public School wa kynthup ya ka Pine Mount School, Shillong Public School wa ka Tura Public School heiwa waroh ki khynnah u su ki ya ka T. 2400 nei bynta wow yarap poisa heipor wa emkaam u pynchna pynmiat ya iwon iwon wa emkam ka school.

“I phah school i ya ki khon yong i ha Jowai Public School neibhah wa tip i wa toh ka school yong sorkar wei wa man ko kawa mynkna. I tip i leh wa ya ka Jowai Public School da pait da pyllai da ka poisa na ka Sorkar Bei wei da yoh ki boonjait ki scheme wa ki grant. Kamtea lada dang emkaam u khrong poisa won sa na ki khynnah yow pynchna ya ka school, ka poisa wa poi na ka sorkar won lai ko cheiwon.” da ong ki bei ki kpa.

Hei yaklam u WYRTA wa u DC da ong u wa da phah pynman yalang biang sa chisien ha pyrdi ki man bei wa ki man pa wa u Pricipal hei yatoh wa kani ka Development Fund wei hadien ini lada dang rai hi wym su ya ka Development Fund u DC daw rah u ya ka rai cha ki bor wa toh u pait yeini i kaam.

U DC da ong u leh wa em kiwa pyllai school 2-3 ngut ki khon ha JPS kamtæ man ko kawa khia bha ya ki u su ya kani ka Development Fund wei kamjooh leh em i ood na ki paidbah wa katni da hiar bha i sikai ha kani ka skur.

Share this:
Previous

Ka yalehke ha pyrdi ka Chutwakhu wa ka Mookyrdup

Next

4th Indian Panorama Film Festival begins in Shillong