15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ka Youth Leadership Training ya ki khynroo khyllood

0 Comments
Advertisement ad1

Jowai: Ka Youth Leadership Training cum Community Development program kawa san sngi da sdang ko ynne ka sngi 23 tarik ha chnong Moosakhia kawa em hapoh ka block Amlarem, ka West Jaiñtia Hills District.

Ya kane ka Youth Leadership Training cum Community Development Program da pynman da ka Society for Urban and Rural Empowerment (SURE) wa ka Nehru Yuva Kendra Sangathan kawa man ka tnat krehkaam hapoh ka Ministry of Youth and Sports Affairs ka sorkar pyrdi

U Additional Deputy Commissioner yong ka West Jaiñtia Hills District u D.M. Wallang hei klam kam u kongsan da kyntu u a ki khynroo khyllood wow man ki kiwa kitkhlieh ya ka imlang sahlang neibhah ka mynried toh ka yong ki. Da ong u leh wa waroh i bha hadooh i wa sih sdang ki na i rukom pyrkhat kamtæ emkaam wow pynbha i yei rukom pyrkhat yong i yow yoh ka mynstep wa man kawi kawa biang.

Kani ka Youth Leadership Training cum Community Development program kawa da sdang ynne ka sngi daw pynkut haka 27 tarik uni u bnai.

Ynne ka sngi ya ka yalang da pyllai da u H.H. Mohrmen uwa man u president ka SURE, wei da yoh yei klam na Barley Suting, Secretary ka Dorbar Chnong Moosakhia, u Biraj Chakrabarty uwa na ka Nehru Yuva Kendra Sangathan, ka Aitilut Kyndait wa na ka Pasqualina Lamare.

Da wan chimbynta da ki khynroo khyllood ki chnong khamtam ki chnong wa jan kam na Samanong, Mupyut wa kiwi kiwi de ki chnong ha kani ka training.

Share this:
Previous

Sdang ka Gramoday Initiative Open Football Tournament

Next

Kyrchaan sa 9 ngut ki manbei yei ya chah thngan wow pynneh ya u Arunkumar